Белгийн номын сан

 Амстердамд төвтэй архитектурын фирм UNStudio Белгийн Гентед баригдах гэж буй хотын ирээдүйн номын сан, шинэ хэвлэл мэдээллийн төвийн загварыг ёслол төгөлдөр олон нийтэд зарлалаа. Уг шинэ цогцолбор нь нээлттэй орчинтой, өвөрмөц чиглэлийн урсгалуудтай, хэд хэдэн уулзалтын газар болон олон нийтийн талбай бүхий  динамик, чөлөөтэй, нээлттэй мэдлэгийн орчинг бүрдүүлж өгөх юм.

 
Хүрээлэн буй орчин, нөхөрсөг дулаахан уур амьсгалд нийцүүлэн барилга нь шингэн хэлбэртэй байна. Барилгын дотоод зохион байгуулалт нь хүмүүс явах замын эргэлт байрлах газрыг тойрсон төвдөө нээлттэй орон зайг тулгуурлана. Энэхүү орон зай нь барилга доторх тодорхой чиг баримжааг бий болгохоос гадна хот болоод хотын захиргааны номын санг хооронд нь холбох үйл ажиллагааг гүйцэтгэнэ. Барилгын бүтэц нь ногоон дээврийн тагтнуудыг нэвтрүүлэх боломжтой болгож байгаагаас гадна нарны бага хэмжээний шууд тусгалыг хянаж байх юм.
Эх сурвалж: WWW.ULHUDLUH.MN